Ja se si e ka zgjidhur hallin e bllokimit të derës ky qytetar i guximshëm në Tiranë, pasi nuk iu përgjigjën as policia dhe as zjarrfikësit.
Video e publikuar te “Jeta osh Qef” shoqërohet edhe me këtë koment të vetë qytetarit:
“Pershendetje. Ky qe shikoni te varur si Spider Man jam vet une qe po ju dergoj kete video.
Me ishte bllokuar dera nga brenda dhe nuk e hapja dot. Gjeja e pare qe me vajti ndermend, qe mund te me ndihmonte ishte policia.
I mora ne tel dhe me thane mer zjarrfiksin. E mora ne tel zjarrfiksin Tirane ne nr 042233333 qe ma dha 129 se 128 nr qe ne te gjithe dime per zjarfikesit nuk ekzistonte si nr. Dhe i tregova per problemin tim dhe ju kerkova ndihme. Pergjigja qe mora ishte ‘Zjarrfiksi vihet ne sherbim vetem ne rast se rrezikohet jet njeriu’.
Ne te kundert sbehet asgje dhe ma mbyllen tel. Ne kete hall s’kisha c’beja me, vajta mora kete vinxc dhe u bera vet Spider Man. Ja rilindja jone ku ne bote zjarrfikesi i vihet ne sherbim dhe nje mace dhe nje zogu qe ka nevoje per ta. TURP per te shkretet ne qe paguajm taksat qe ata te marrin rrogat. E ne fund nuk marrim asgje”.
Ndërsa qytetari fajëson shtetin, dikush i shkruan dhe i thotë se, ‘me këto raste nuk merret shteti por qytetari thjesht duhet të kishte lajmëruar dikë që merret me bravat e dyerve, një usta përshembull’.
Të tjerë qeshin dhe i shkruajnë se, ‘Rilindja ia ka fajin që ka harruar celësin në derë”.
