Protesta që u mbajt mbrëmjen e djeshme përballë Kryeministrisë për vrasjen e Klodian Rashës pati shumë zhvillime dhe të papritura. Një prej tyre ishte ‘motra’ e pretenduar e Rashës.
Bukuroshe Haruni, e cila papritur dha identitet të rremë duke thënë se ishte Bora Rasha, motra e vetme e Klodian Rashës që u ekzekutua nga policia në orët e para të ditës së djeshme duke marrë vëmendjen e medias.
Bukuroshe deklaroi se ishte motra e të ndjerit dhe e gjithë vëmendja e mediave u përqendrua tek ajo. Por pak minuta më pas, familja Rasha e mohoi diçka të tillë dhe thanë se ajo nuk është pjesëtare e tyre. Aludimet e para ishin në lidhje me faktin se ajo mund të kishte probleme të shëndetit mendor.
Në një intervistë të dytë, ajo u shpreh se nuk e kishte vëlla biologjik Klodianin, por e konsideronte të tillë për shkak të marrëdhënies shumë të afërt që bashkëshorti i saj kishte patur qysh në fëmijëri me të.
g.kosovari
