Gjykata e Posaçme ka shpallur vendimin përfundimtar ndaj ish-prokurorit të Sarandës Sali Hasa.
Sali Hasa është dënuar me 2 vite burg për akuzën e “korrupsionit” ndërsa është dhënë pafajësi për “fshehje e mosdeklarim të pasurisë”.
Ish-prokurori Hasa rezultoi se u përfshi në afera korruptive gjatë një hetimi të kryer për trafik narkotikësh.
Sali Hasa dhe gjashtë të pandehurit e tjerë u ndaluan në qershor të vitit 2021, pas një hetimi njëvjeçar të filluar për trafik narkotikësh, por që zbuloi veprimtari të tjera të paligjshme, përfshi dhe përfshirjen e prokurorit në afera korruptive.
Disa muaj pas arrestimit, në shtator 2021, Hasa u shkarkua nga detyra prej Komisionit të Pavarur të Kualifikimit, KPK që gjeti probleme të shumta në deklarimin e pasurive dhe mungesë burimesh financiare në vlera të mëdha për krijimin e tyre.
g.kosovari
A ka turp ai trup gjykues qe jep nji denim qesharak,per nji prokuror te korruptuar deri ne palce,ai duhej te denohej minimumi 5 vjet burge e ti konfiskoheshin parate e pasurite e pa tudeshme.