Autoritetet libiane kanë liruar Saadi Gaddafin, djalin e ish -udhëheqësit Muammar Gaddafi, i cili u vra gjatë një kryengritje të vitit 2011.
47-vjeçari u nis menjëherë me një aeroplan për në Stamboll, tha një burim zyrtar për agjencinë e lajmeve Reuters të dielën.
Gjatë kryengritjes së 2011, Saadi Gaddafi iku për në Niger, por u ekstradua në Libi në 2014 dhe që atëherë është burgosur në Tripoli.
Ish-futbollisti profesionist u akuzua për krime të kryera kundër protestuesve në 2011 dhe për vrasjen e trajnerit libian të futbollit Bashir al-Rayani në 2005.
Ai u lirua nga akuzat për vrasjen e al-Rayani në prill 2018.
Një burim në zyrën e prokurorit i tha agjencisë së lajmeve AFP se “kryeprokurori kërkoi disa muaj më parë, ekzekutimin e vendimit në lidhje me Saadi Gaddafi sapo të ishin plotësuar të gjitha kushtet e kërkuara”.
Libia ka pësuar kaos, përçarje dhe dhunë në 10 vitet që nga kryengritja. Përveç Muammar Gaddafit, u vranë edhe tre djemtë e tij.
Një armëpushim në vitin 2020 i dha fund luftimeve i dhe hapi rrugën për bisedimet e paqes dhe formimin e një qeverie kalimtare në mars. Zgjedhjet janë planifikuar për në dhjetor./m.j
