Një tjetër cisternë ka kaluar ditën e sotme Ngushticën e Hormuzit pavarësisht bllokadës së deklaruar nga presidenti i SHBA-ve Donald Trump.
Të dielën, Presidenti Trump tha se marina amerikane do të bllokonte “çdo anije që përpiqet të hyjë ose të dalë nga Ngushtica e Hormuzit”.
Më vonë ai tha se SHBA-të do të bllokonin anijet “që hyjnë ose dalin nga portet iraniane” nga e hëna.
Komanda qendrore e SHBA-së konfirmoi bllokimin e “të gjithë trafikut detar që hyn dhe del nga portet iraniane”, por tha se “nuk do të pengojë lirinë e lundrimit për anijet që kalojnë nëpër Ngushticën e Hormuzit për në dhe nga portet jo-iraniane”.
Të hënën, katër anije kaluan ngushticën në orët para se bllokada të hynte në fuqi në orën 14:00 GMT (15:00 BST). Të katërta ishin cisterna që transportonin naftë, gaz ose kimikate, sipas të dhënave të gjurmimit të ofruara nga MarineTraffic.
Të martën, një tjetër cisternë kaloi, sipas të dhënave të transportit detar. Porti i fundit i ndalimit të Rich Starry ishte në Emiratet e Bashkuara Arabe dhe destinacioni i saj i raportuar është Kina.
