Hyjnë në fuqi patentat e reja, të vjetrat aktive sipas afatit

Të gjithë drejtuesit e makinave të cilët janë pajisur me patentë deri në dhjetor 2015-ës nuk duhet të shqetësohen nga hyrja në fuqi e lejeve të drejtimit të reja. Ndryshe nga sa u spekulua në media, patentat e tyre do të jenë të vlefshme sipas afatit të përcaktuar më parë në saj të kategorisë së lejes së drejtimit që ata kanë marrë.

Nga 1 janari ka hyrë në fuqi sistemi i patentave të reja, të njehsuara me sistemin e Bashkimit Evropian raporton Shqiptarja.com. Çdo leje e dhënë nga 1 janari do të kategorizohet duke filluar nga AM ku përfshihen ciklomotorët dhe mjetet me katër rrota të lehta, A1, A2, A, B1, B, BE, C1, CIE, C, CE, D1, D1E, D dhe DE. Ndërkohë që Drejtoria e Përgjithshme e Shërbimit të Transportit Rrugor ka bërë me dije afatet e vlefshmërisë për patentat që janë dhënë deri më 31 dhjetor 2015.

Kategoria A, B dhe BE: janë të vlefshme për 10 vjet, kur janë dhënë ose konfirmuar deri në moshën 50 vjeç; janë të vlefshme për 5 vjet, kur janë dhënë ose konfirmuar mbi 50 deri në 60 vjeç; janë të vlefshme për 3 vjet, kur janë dhënë ose konfirmuar mbi 60 vjeç

Kategoria C, D, CE dhe DE:
janë të vlefshme për 5 vjet, kur janë dhënë ose konfirmuar deri në moshën 60 vjeç; janë të vlefshme për 3 vjet, kur janë dhënë ose konfirmuar mbi moshën 60 vjeç; nuk rinovohen mbi 65 vjeç.

Leja e drejtimit ndërkombëtare
Plotësohet me afat vlefshmërie 1 (një) vjeçar, nga data e lëshimit. Nuk lëshohet leja e drejtimit nderkombëtare, nëse i ka kaluar afati i vlefshmërisë i lejes së drejtimit kombëtare.

Leja e drejtimit e përkohshme.
Plotësohet me afat 1(një) mujor nga data e lëshimit, sipas përmbajtjes së lejës.

Leje drejtimi të posaçme(për invalidët)
Kategoria A dhe B
janë të vlefshme për 5 vjet, kur janë dhënë ose konfirmuar deri në moshën 60 vjeç janë të vlefshme për 3 vjet, kur janë dhënë ose konfirmuar mbi 60 vjeç

Kategoria C:
janë të vlefshme për 3 vjet.
nuk  janë të vlefshme  mbi 65 vjeç – See more at: http://shqiptarja.com/Aktualitet/2731/nga-1-janari-karton-i-ri-p-r-shofer-t-por-vlen-afati-i-patentave-t–vjetra-335797.html#sthash.jAmELksD.dpuf