Ambasada britanike në Tiranë reagoi pas shpalljes non grata të ish-kryeministrit Sali Berisha.
Komentet e ambasadorit në fakt, i referohen qartazi masave të ndërmarra nga qeveria britanike kundër disa shtetasve të lidhur me krimin e korrupsionin, e kjo sic tha ai për një media shqiptare, është vetëm vala e parë.
“Unë dua ta siguroj publikun shqiptar që ne nuk kemi shënjestruar ndonjë parti politike, grup politik apo ndonjë grup tjetër. Kjo është një qasje e mirëekuilibruar.
Kjo qasje synon individët dhe lidhjet e tyre tejet të qarta me krimin dhe korrupsionin.
Gjithashtu, qasja merr parasysh çdo rast individual nëse individët kontribuojnë në të mirën publike të Mbretërisë së Bashkuar”, tha Alastair King-Smith, ambasadori britanik në Shqipëri.
Ish-kryeministri e njoftoi vetë sot shpalljen non Grata nga Britania e Madhe me pretendimin për lidhje me grupe të krimit të organizuar.
Anglia bëhet kështu vendi i dytë pas Shteteve të Bashkuara të Amerikës qe e shpall të padëshiruar Sali Berishën.
