Juventus pësoi një humbje katastrofale në finalen e Ligës së Kampioneve ku pësoi katër gola përballë gjigantëve të Real Madrid. Portieri bardhezi, Gianluigi Buffon ndjehet tepër i zhgënjyer me këtë rezultat dhe u shpreh se nuk di si ta shpjegoj pse Juventus luajti aq keq.
“Jemi të zhgënjyer. Luajtëm shumë mirë në pjesën e parë, menduam se do të fitonim ndeshjen. Nuk di si ta shpjegoj pse luajtëm aq keq në pjesën e dytë. Real Madrid e meritoi ta fitonte ndeshjen në 45 minutëshin e dytë. Ata treguan klasin e tyre dhe maturinë e duhur për të fituar në një ndeshje të tillë si kjo,” u shpreh Buffon pas ndeshjes.
