Ndjekja e një regjimi ushqimor të shëndetshëm dhe të ekuilibruar për të mbajtur nivelet e sheqerit në gjak të qëndrueshme gjatë gjithë ditës është një nga pikat kryesore të menaxhimit të diabetit.
Por çfarë ndodh nëse nuk jeni të uritur ose nuk humbni oreksin? A është problem kur shmangni një vakt? AgroWeb.org ju njeh me përgjigjet e pyetjeve më poshtë.
Rreziqet e shmngies së vakteve
Diabeti shfaqet kur trupi juaj e përdor insulinën në mënyrë jo të rregullt ose nuk e prodhon më atë.
Insulina lejon trupin të përdorë sheqerin në gjak (glukozën) nga karbohidratet për energji.
Kur insulina nuk mund të bëjë punën e saj, sheqeri mund të grumbullohet në sistemin e qarkullimit të gjakut dhe të krijojë kushtet e duhura për për diabet.
Nëse kaloni vaktet, mund të zhvilloni hipoglicemi (ulje të sheqerit në gjak) ose hiperglicemia (rritje e sheqerit).
Të dyja gjendjet mund të jenë të rrezikshme apo edhe vdekjeprurëse.
Humbja e oreksit ose shmangia vakteve mund të çojë në mbingrënie më vonë gjatë ditës.
Kjo bën që sheqeri në gjak të rritet por gjithashtu nga ky zakon ju mund të shtoni edhe peshë të tepërt.
Kjo është arsyeja pse është e rëndësishme të hani rregullisht vaktet gjatë ditës dhe të mos kaloni më shumë se katër ose pesë orë pa ngrënë.
Shkaqet e mundshme të mungesës së oreksit
Si rregull i përgjithshëm, diabeti nuk shkakton humbje të oreksit, por njerëzit me diabet mund të humbasin oreksin për shumë arsye.
Këto mund të përfshijnë:
Gastropareza – Kjo ndodh kur ushqimi qëndron në stomak për një kohë të gjatë për shkak të nervave të dëmtuar, që ndihmojnë në kontraktimin e muskujve për të lëvizur ushqimin nëpër sistemin tretës.
Depresioni – Menaxhimi i diabetit është mjaft stresues dhe tek disa njerëz kjo mund të çojë në depression, i cili mund të shkaktojë humbje të oreksit.
Efektet anësore të mjekimit – Barna të ndryshme për trajtimin e diabetit gjithashtu mund të jenë përgjegjës për humbjen e oreksit.
Jeni i sëmurë – Njerëzit me diabet janë më të prirut të ftohen ose t’i zërë gripi, të cilat mund të ndikojnë në oreks.
Ketoacidoza diabetike – Kjo gjendje potencialisht fatale ndodh kur sheqeri në gjak është i lartë dhe niveli i insulinës është i ulët.
Si rezultat, trupi fillon të djegë yndyrë, gjë që shkakton një grumbullim të acidit në trup. Nëse nuk trajtohet, mund të çojë në koma dhe vdekje.
Kontroll i dobët i diabetit – Nëse nivelet e sheqerit në gjak janë vazhdimisht të larta, ju mund të humbisni oreksin.
Disa lloje të kancerit – Disa lloje të kancerit mund të shkaktojnë humbje të oreksit.
Nëse keni diabet dhe po përjetoni një humbje oreksi, ajo çfarë mund të bëni është të konsultoheni me mjekun tuaj për të gjetur një zgjidhje. /AgroWeb.org
