Turisti gjerman i cili humbi gjurmët ditën e djeshme në Gadishullin e Karaburunit është gjetur pas kërkimeve nga policia.
Mësohet se policia e Orikumit është vënë për 12 orë me radhë në kërkim të 73-vjeçarit gjerman i cili kishte humbur bashkë me qenin e tij prej mëngjesit të djeshëm.
Sipas burimeve policore, turisti gjerman është në gjendje të mirë shëndetësore dhe ka qenë vetë ai i cili ka nisur sinjal nga vendi ku ndodhet në “Skalom të Beget” një gji në afërsi të Bristanit mbas bazës së Pashalimanit.
Policia është nisur tashmë drejt vendit ku ai po qëndron për të bërë të mundur transportimin e tij drejt hotelit.
/e.d
