Kandidati i koalicionit “Bashkë Fitojmë”, Indrit Sefa nuk e pranon rezultatin e zgjedhjeve në bashkinë e Vorës, ku u zhvillua dhe procesi i votimit elektronik.
Sipas Sefës, shifrat e dala nga makineritë e votimit kanë një koincidence të frikshme me rezultatin e 6 marsit të vitit 2022.
“Çdo kuti votimi ka të njëjtin numër votash, njësoj si më 6 mars 2022. Kjo koincidence nuk mund të jetë kurrsesi një rastësi. Dyshimet e manipulimit janë të mëdha. Rilindja e cila përdor çdo mjet për të manipuluar njerëzit, sigurisht që mund të manipulojë dhe makineritë. Ne po përgatisim çdo të dhënë për të ankimuar rezultatin në Vorë. Jemi duke krijuar një skuadër me juristë dhe specialistë të informatikës për t’i shkuar deri në fund kësaj historie”, tha Sefa.
/s.f
