Atentati ndaj 30-vjeçarit Kristian Marku alias Kristi Bardhi në autostradën Fier-Vlorë mbrëmjen e sotme ka shkaktuar një aksident të trefishtë.
Në momentin kur ndaj tij është qëlluar me armë zjarri, i riu ka humbur kontrollin mbi drejtimin e automjetit dhe është përplasur me trafikndarësen.
Korrespondentja e Klan News, Greta Haskaj raporton se ky devijim nga rruga është bërë burim i përplasjes së makinës tip “Volkswagen” që viktima drejtonte me 2 automjete të tjera.
Në vendin e ngjarjes ka mbërritur menjëherë ambulanca për të transportuar të aksidentuarit në spitalin e Vlorës, gjendja e të cilëve nuk dihet akoma.
Uniformat blu që kanë bërë rrethimin e zonës së krimit. Ndërkohë, përsa i përket autorit/ëve të atentatit, akoma nuk ka asnjë të dhënë.
