Artan Hoxha, i cili mbeti i vrarë ditën e sotme gjatë grabitjes së karburantit ku ai punonte, nuk ka patur një jetë aspak të lehtë. 44-vjeçari nga fshati Gjashtë i Sarandës, punonte në një pikë karburanti në Qafë Gjashtë për të mbajtur familjen e tij, e cila jeton në kushte të vështira.
Nisur nga kushtet e vështira ekonomike, dhe sëmundja e vajzës së mitur, 44-vjeçari Artan Hoxha, ishte detyruar në punësonte në lokalin e këtij karburanti edhe djalin e tij 21-vjeçar, Denisin.
Të dy, babë e bir, ata duhet të siguronin të ardhura për të bërë të mundur blerjen e ilaçeve dhe trajtimin mjekësor të vajzës së vogël të familjes.
Por gjatë grabitjes së mbrëmshme të karburantit, Artan Hoxha mbeti i vrarë, ndërsa disa orë më pas policia e Sarandës bëri të mundur arrestimin e autorit, Arqile Koçi, 27 vjeç.
Nga hetimet paraprake rezulton se fatal për 44-vjeçarin ka qenë ndonjë lëvizje e momentit e tij, gjë që ka trembur autorin e grabitjes. Pasi ka marrë lekët dhe ka tentuar të largohet, grabitësi është kthyer dhe ka goditur punonjësin e karburantit, i cili qëndronte ulur nën një tavolinë./BW/a.k
