Kreu i Partisë Republikane, Fatmir Mediu ka përkujtuar ish-deputetin e PS-së, Andis Harasani, i cili u nda nga jeta ditën e djeshme pasi humbi betejën me kancerin.
Mediu shkruan se pavarësisht se ndanin bindje të ndryshme politike, ruanim miqësi të veçantë me njëri-tjetrin.
“Prehu në paqe miku im edhe pse larg dheut dhe vëndit tënd. Zoti i dhëntë forcë bashkëshortes dhe familjes tënde për të kapërcyer këtë moment shumë të vështirë”, shkroi ai.
Postimi i plotë:
Me hidhërim të thellë mora lajmin se Andis Harasani ndërroj jetë në New York nga një sëmundje e rëndë.
Ndoshta ndanim bindje të ndryshme politike, por ruanim një miqësi të vecantë kur Andis ishte në Shqipëri edhe më vonë kur u shkëput në Amerikë.
Në datën 12 shkurt, më Andis më shkruajti për të më pyetur si jam, dhe më the se jam me tumorr, pastaj biseduam në tel për herë të ku më tregoj për sëmundjen e tij të rëndë dhe më tha se po kurohej në “Sloan Kettering në New York”, ishte i lodhur dhe i mundura shumë nga sëmundja por prapë ishte i fortë dhe me shpresë.
Andisi ishte një mik i rrallë dhe në momentet e tij të vështira prapë kishte përkujdesjen dhe këshillën e një njeriu të mencur.
Prehu në paqë miku im edhe pse larg dheut dhe vëndit tënd. Zoti i dhëntë forcë bashkëshortes dhe familjes tënde për të kapërcyer këtë moment shumë të vështirë.
Qoftë i paharruar kujtimi yt mik i mirë dhe gjithmonë i gjendur me zemër të madhe për këdo që kishte një hall.
