Një aksident i rëndë është regjistruar pasditen e sotme në autostradën Tiranë- Durrës, ku për pasojë ka mbetur i plagosur drejtuesi i mjetit. Ngjarja ka ndodhur në Vorë pranë mbikalimit, ku sipas raportimeve të para raportohet se shkak ka qenë shpejtësia e lartë, ku drejtuesi ka humbur kontrollin dhe është përplasur me trafikndarësen.
Për shkak të përplasjes shumë të fortë, makina ka pësuar dëmtime të mëdha. Ndërsa shoferi i plagosur është dërguar në spital për të marrë ndihmën mjekësore.
Sakaq, policia e mbërritur në vendngjarje ka nisur hetimet për të zbardhur shkaqet dhe rrethanat e aksidentit.
