Një emigrant shqiptar ka vdekur në mënyrë tragjike ditën e sotme, në qytetin Prato të Italisë. Ai është një 56-vjeçar, që për momentin nuk dihet identiteti, dhe ishte duke punuar në një ofiçinë mekanike.
Shqiptari po kryente punime ndërtimi në çatinë e ofiçinës kur është rrëzuar nga një lartësi rreth 7 metra.
Ai ka humbur jetën në vendgjarje pasi ka marrë një goditje të fortë në kokë.
Autoritetet policore italiane kanë hapur një proces hetimor për të zbardhur motivet e këtij aksidenti.
56-vjeçari shqiptar jetonte në qytetin e Firences, ndërsa familja e tij jeton në Shqipëri, shkruajnë mediat e vendit fqinj.
/a.r
