Një ngjarje e rëndë ka tronditur qytetin e Sarandës ditën e sotme ndërsa raportohet se një shtetas është gjetur i djegur në ashensor.
Policia thotë se viktima është A.P, 58 vjeç dhe dyshimet e para lidhen me vetëvrasjen. Por megjithatë hetimet pritet të zbardhin ngjarjen dhe dinamikën e saj.
Njoftimi i plotë:
Më datë 10.12.2017, rreth orës 14:10, Salla Operative Sarandë është njoftuar nga një telefonatë se në lagjen ”Nr.4”, në brëndësi të ashensorit të një pallati ende në ndërtim është gjetur i djegur plotësisht një shtetas.
Shërbimet Policore dhe Grupi Hetimor kanë shkuar menjëherë pranë vendit të ngjarjes dhe kanë konstatuar se në brëndësi (në gropën) e ashensorit gjendet plotësisht i djegur trupi i një shtetasi të seksit mashkull.
Nga veprimet paraprake të kryera dyshohet se trupi i pajetë ti përkasë shtetasit A.P., 58 vjeç, banues në Sarandë, i cili mund të jetë vetëdjegur.
Grupi hetimor po punon për zbardhjen e plotë të rrethanave të ngjarjes. /b.d
