Ajas Sulejmani, 39-vjeçari më Mercedes Benz G Class që shkaktoi aksidentin në Rrugë të Kavajës, sapo ka dalë nga makina shfaqet i tronditur nga ngjarja. Pasi vë duart në kokë kur pa se çfarë kishte bërë, me shpejtësi kthehet tek makina dhe në sediljen e prapme merr gocën e tij të vogël, e cila për shkak të aksidentit kishte nisur të qante.
Pasi mori gocën në krah, Sulejmani merr dhe diçka tjetër në kroskotin e makinës dhe largohet bashkë me vajzën përmes rrugicave. Diku e ka marrë një automjet tip Mercedes Benz ML i një personi të afërt, e cila e ka dërguar në një spital privat pranë Kthesës së Kamzës. Ai ka shkuar në spital pasi ka pasur frikë se është dëmtuar vajza e tij si pasojë e përplasjes, pasi sipas tij kishte goditur sediljen.
g.kosovari
