Gëzim Saraçi, ish-shoferi që hodhi granatën në zyrën e kryebashkiakut të Lushnjes, Fatos Tushe është kapur nga policia rreth 50 minuta pas atentatit.
Dyshimet e para thonë se 49-vjeçari kishte bashkëpunëtorë, të cilët e ndihmuan të ndërronte automjet në Karbunarë të Lushnjes dhe të nisej drejt Beratit, raporton Panorama.
Granata shpërtheu poshtë tavolinës në paradhomën e krybashkiakut, arsye që ndikoi në humbjen e fuqisë së saj. Kryetari i Bashkisë Fatos Tushe dhe sekretarja e tij u plagosën dhe janë nën kujdesin e mjekëve.
Grupi hetimor zbuloi se Saraçi shantazhonte kreun e bashkisë për publikimin e materialeve kompromentuese që i kishte prej më shumë se një viti, raporton Abc News.
Ndërkohë Fatos Tushe nuk ka bërë asnjëherë denoncim për shantazhet e ish-shoferit personal.
Pritet të nisin hetimet, pasi thuhet që Gëzim Saraçi është paguar, edhe pse kishte kohë që nuk e ushtronte më detyrën. /e.s/
