Maqedonia drejt shpërbërjes. Kjo është ajo që mendon se do të ndodhë me shtetin fqinj sipas historianit bullgar, Bozhidar Dimitrov. Sipas historianit Maqedonia do të shpërbëhet, pasi me të, do të ndodhë ajo që ka ndodhur me të gjitha “projektet artificiale historike”.
Dimitrov shton se në këtë vend me 1, 2 milion banorë, 100 mijë maqedonas kanë shtetësi bullgare.
“Shikoni si është shpërbërë Ukraina. Ashtu do të shpërbëhet edhe Maqedonia “ ka thënë Dimitrov, i cili është drejtor i Muzeut Historik Kombëtar bullgar.
Sa i përket ngjarjeve në Kumanovë, Dimitrov tha se shqiptarët kanë shfrytëzuar momentin kur qeveria e Nikola Gruevskit e shndërroi Maqedoninë në “Korenë Veriore evropiane”.
“Asgjë nuk duhet pritur as nga opozita. Por megjithatë dikush duhet ta ndërrojë Gruevskin dhe sigurisht me përkrahje të ndonjë shteti perëndimor, ka filluar aksioni për largimin tij”, ka thënë Dimitrov.
