Një vajzë 23- vjeçare nga Velipoja, i është drejtuar policisë për të denoncuar një djalë të ri i cili e përndiqte në mënyrë të vazhdueshme prej disa muajsh.
Mësohet se ditën e djeshme K.Gj., 23 vjeçe bëri denoncimin ndaj 22 vjeçarit M.R., duke thënë se prej disa kohësh në mënyrë të përsërit, e ka përndjekur dhe kërcënuar duke i shkaktuar frikë dhe ankth.
Mësohet se i riu e ndiqte në rrugë, e telefononte vazhdimisht dhe e kërcënonte, duke i krijuar ankth të vazhdueshëm.
Për shkak se situata vazhdonte prej disa kohësh dhe e reja nuk ndihej më e sigurtë, bëri denoncimin duke çuar në arrestimin e 22- vjeçarit me akuzën e përndjekjes.
