Policia e Tiranës i ka dhënë fund një historie përndjekjeje, me viktimë një vajzë 22-vjeçare. E reja prej kohësh shqetësohej nga një 24-vjeçar nga Tetova. Ky i fundit i kërkonte vajzës lidhje intime duke i sjellë asaj një situatë stresi dhe makthi. Kjo histori zgjaste prej disa kohësh, derisa vajza vendosi të kërkojë ndihmë në policisë pasi ndjehej e kërcënuar.
E reja me inicialet A.A. përndiqej vazhdimisht në Tiranë nga shtetasi me inicialet B.I. Ky i fundit, vinte herë pas here nga Tetova ku banon dhe përndiqte në rrugë të renë. Pasi ajo e kishte refuzar, ai i shkaktonte gjendje ankthi dhe e ndiqte për ditë me radhë shkruan javaNews. Pas një periudhe stresi, e reja vendsi t’i drejtohet policisë. Uniformat blu, pasi kanë marrë dëshminë e vajzës, kanë nisur procedimin ndaj 24-vjeçarit.
Mësohet se dy të rinjtë janë njohur në rrjetet sociale. Fillimisht ata kanë pasur shoqëri mes tyre, por tetovari ka nisur ta ngacmojë seksualisht të renë. Ai i ka kërkuar asaj lidhje intime. Pasi vajza e ka refuzuar në vijimësi, ai i ka sjellë gjendje ankthi duke e përndjekur prej disa kohësh./JavaNews/a.m.
