Atentati i djeshëm ne snajper ndaj Ardian Çapjas, ka sjellë në vëmendje disa atentate të ngjashme mafioze.
Një prej tyre është atentati ndaj Ilir Bardhit, që u ekzekutua me snajper brenda qelisë së tij në burgun 313 në Tiranë.
Snajperi ishte vendosur në dritaren e një pallati pranë godinës së burgut, gati 200 metra larg në vijë ajrore.
Bardhi ishte arrestuari si i dyshuar për një vrasje të dyfishtë.
Plumbi i një snajperi i mori jetën ndërkohë në oborrin e banesës së tij në Shkodër, 51- vjeçarit Xhabir Shega në qershor 2015.
Sipas policisë, qitësi ishte pozicionuar në kodrën e Kalasë së Rozafës.
Viktima i kishte mbijetuar një tjetër atentati me snajper një vit para ngjarjes.
Në qershor 2017 u regjistrua një tjetër atentat me snajper drejt një të parabugosuri.
Arma e saktësisë së lartë u shkreh nga kodra pranë burgut të Vaqarrit.
Sipas hetimit, shenjestër e atentatit ishte Gazmir Daci, por i plagosur mbeti kosovari Lili Dule, raporton A2.
Një ekzekutim tipik mafioz me snajper ishte ai i biznesmenit Kastriot Reçi në Rrëshen në janar 2020.
Biznesmeni u qëllua me plumb në zemër teksa po ecte në qendrën e qytetit.
Killeri ishte vendosur në katin e fundit të një pallati 9-katësh, ku sipas dëshmitarëve, ishte futur i maskuar si grua.
