Ministri në detyrë i Transportit Edmond Haxhinasto, ka sqaruar gjatë inspektimit të pikës doganore të hanit të hotit në Shkodër, se projekti në autostradën Tiranë-Durrës, nuk ka si synim vetëm heqjen e palmave në funksion të zgjerimit të rrugës.
“Projekti i cili është përgatitur nga një konculencë e huaj prestigjioze nuk ka të bëjë me projektin e heqjes së palmave, ka të bëjë me organizimin e të gjithë sistemit të transportit në zonën më intensive ekonomike të Shqipërisë, që është zona midis Tiranës dhe Durrësit, pra janë të gjithë ndërlidhjet, të gjithë mbikalimet, të gjitha lidhjet në funksion të biznesit, zonës ekonomike, lidhja me korridore të rëndësishme që ka Shqipëria, është një projekt shumë më i gjerë se sa zgjerimi i rrugës midis Tiranës dhe Durrësit”, tha Haxhinasto.
Haxhinasto shpjegoi se projekti i përgatitur nga një studio prestigjioze me konsulencë të huaj, ka të bëjë me organizimin e të gjithë sistemit të transportit në zonën më intensive ekonomike, shkruan express. Ministri në detyrë i Transportit ishte në doganën e Hanit të Hotit, së bashku me homologun malazez Ivan Brajoviç, ku panë nga afër infrastrukturën e pikës së kalimit kufitar.
