Tre të rinj janë arrestuar nga policia në Himarë në tentativë për të vjedhur një biznes privat. Skënder H., 25 vjeç, Gjergji H., 20 vjeç dhe Kiri A., 18 vjeç, të tre banues në Vlorë, janë kapur dhe ndaluar nga policia pranë Fushës së Sportit, teksa kanë qenë duke vjedhur disa pajisje në një biznes privat me prodhime brumi, nën pronësinë e DH.L. Pajisjet që të rinjtë po tentonin të vidhnin në magazinën e biznesit kapin vlerën e 5-6 milion lekë.
Materialet ndaj tyre janë referuar në Prokurori, për veprën penale ”Vjedhja”.
Njoftimi i policisë:
Tentojnë të vjedhin një biznes privat, por kapen në flagrancë dhe ndalohen nga policia.
Arresohen në flagrancë tre shtetas.
Në kuadër të Planit të Masave që policia ka nisur të vërë në zbatim me anë të metodave speciale të hetimit për zbulimin, kapjen dhe ndalimin e të gjithë autorëve të cilët kryejnë vepra penale të vjedhjes, strukturat e Policisë së Stacionit të Policisë të Himarës, kanë arritur të bëjnë të mundur kapjen dhe arrestimin në flagrancë të shtetasve:
– Skënder H., 25 vjeç banues në Vlorë.
– Gjergji H., 20 vjeç, banues në Vlorë.
– Kiri A., 18 vjeç, banues në Vlorë.
Këta shtetas janë kapur nga policia më datë 03.08.2017, në një vend pranë Fushës së sportit, në një biznes privat me prodhime brumi, në pronësi të shtetasit Dh.L., duke marrë (vjedhur) disa pajisje në magazinën e biznesit.
Vlera e të gjitha pajisjeve rezulton rreth 5 – 6 milion lekë.
Materialet ndaj tyre janë referuar në Prokurori, për veprën penale ”Vjedhja”, të parashikuar nga neni 134 i Kodit Penal.
ma.me
