“Donald Trump është një rrezik i vërtetë dhe një kërcënim për Shtetet e Bashkuara të Amerikës”.
Është kjo deklarata e bërë nga Hillary Clinton në një intervistë për ‘Cbs’. Ish-sekretarja amerikane e shtetit e cilëson Presidentin si “një tornado njerëzore të korruptuar”.
“Nuk ka rëndësi nëse je demokrat apo republikan, kur një president është betuar për të mbrojtur Kushtetutën, përdor pozicionin e tij për tu përpjekur që të nxjerrë diçka nga një qeveri e huaj për motive politike”, shpjegon Clinton.
Ajo i’u referua kontakteve mes Trump dhe Presidentit të Ukrainës, Voldymyr Zelenski.
Ky i fundit i kërkoi Zelenski që të kontaktonte me ministrin e Drejtësisë amerikane, William Barr për të diskutuar lidhur me mundësinë e hapjes së një hetimi për korrupsion, ndaj Joe Biden dhe djalit të tij.
Për Clinton, Trump ka tradhtuar vendin, duke e cilësuar si realitetin e hidhur për të cilin duhet reaguar.
/a.r
