Kandidatja demokrate për presidente të Shteteve të Bashkuara, Hillary Clinton, sot e ka kritikuar rivalin e saj republikan, Donald Trump, duke e cilësuar si katastrofë potenciale për ekonomi.
Gjatë fjalimit të saj në Ohajo, ajo theksoi se “mbreti i borxhit” do të shkaktojë një “recesion Trump”, raporton agjencia Reuters.
“Ai ka bërë pasuri me paraqitje të falimentimeve dhe duke i mashtruar kreditorët e tij”, tha Hillary Clinton për zotin Trump, dhe ka shtuar se “Shtetet e Bashkuara të Amerikës nuk bëjnë biznes në mënyrën e Trumpit”, transmeton REL, citon Express.
Ky fjalim i zonjës Clinton u bë në periudhën e fushatës së ashpër për zgjedhjet e përgjithshme presidenciale në Shtetet e Bashkuara, që mbahen më 8 nëntor. (b.an)