Diego Maradona ka reaguar me keqardhje për largimin e Gonzalo Higuain nga Napoli drejt Juventusit. Klubi bardhezi i ka bërë të ditur Napolit se do të paguajë klauzolën 94.7 milionë euro për të blerë sulmuesin argjentinas. Ndërkaq, Maradona nuk e ka me lojtarin shkakun e hidhërimit.
“Më vjen keq që Higuain do të shkojë te një rival direkt si Juventus. Por ne nuk mund të fajësojmë lojtarin,” shprehet Maradona nëpërmjet faqes së tij zyrtare në Facebook.
“Një lojtar ka një përgjegjësi kundrejt vetes së tij dhe janë këto macet e trasha të biznesit që po përfitojnë më shumë në këtë rast. Askush nuk mendon për tifozin. Jam lodhur duke thënë se ditët e sotme është më e rëndësishme të jesh një biznesmen i mirë sesa një president i mirë. Kjo nuk ndodhte në kohën time. Sa keq që FIFA vazhdon të flejë gjumë”.
