HEC Banjë në Gramsh ka hapur portat e shkarkimit. Eventi inxhinierik është pasqyruar nga disa medie ndërkombëtare dhe çuditërisht fare pak nga media shqiptare.
Interesting Engineering e ka cilësuar si një moment të mrekullueshëm të një investimi gjigant në Shqipëri. Ky portal citon se “Uji nisi të rrjedhë nëpër portën e lartë të HEC Banjë”.
Diga e HEC Banjë ka një lartësi 175 metra mbi nivelin e detit. HEC-i i Banjës do të shfrytëzojë rënien e lirë të ujit ndërmjet 175 dhe 95 metra mbi nivelin e detit. Diga ka një lartësi prej afërsisht 80 metrash.
Liqeni i krijuar ka një sipërfaqe prej afërsisht 14 km², zonë kjo e krahasueshme me 2000 fusha futbolli. Aktualisht rezervuari shtrihet nga Banja deri në afërsi të qytetit të Gramshit.
Kapaciteti depozitues i rezervuarit është afërsisht 400 milion m³. Centrali elektrik do të përdorë dy njësi turbinash të tipit Francis dhe do të ketë një kapacitet të instaluar për prodhimin e energjisë elektrike prej rreth 65 MW dhe do të prodhojë mesatarisht në vit rreth 250 GWh.
HEC Banjë ka përfshirë zonën e komunave Pishaj dhe Sultë dhe Bashkinë Gramsh dhe komunave Tregan, Bashkia Elbasan dhe Gostimë dhe Klos në Bashkinë e Elbasanit.
Tema/d.i.
