Hidrocentralet privatë, që sipas INSTAT-it sigurojnë 24.1% të energjisë së prodhuar në vend, rrezikojnë falimentin. Sipas përfaqësuesve të këtyre bizneseve, shkak është vendimi i qeverisë për ta ulur çmimin, me të cilin ata ia shesin energjinë KESH-it me rreth 30% krahasuar me atë në fillim të investimit. Vështirësitë financiare arrijnë deri aty sa nuk mbulojnë pagesat e kredive të marra në banka.
Hidrocentrale privatë, të dhënë me koncension disa vite më parë tani dhe që tani po sigurojnë sipas të dhënave të INSTAT-it, 24.1% të energjisë së prodhuar në vend, ndodhen në vështirësi të mëdha financiare.
Shkaku kryesor është vendimi i qeverisë për të ulur çmimin me të cilin impiantet privatë ia shesin energjinë KESH-it me rreth 30% krahasuar me tarifën kur nisën invetsimin.
Eduart Elezi:“Nuk mund të veprojë në mënyrë të njëanshme ashtu siç ka vepruar deri më sot. Kështu që për zhvillimin e tyre duke ditur që Shqipëria është vend importues neto i energjisë elektrike duhet patjetër që të ketë një reflektim dhe trajtim të ndryshëm në lidhje me tarifat e energjisë elektrike.Janë 1.5 lekë për kW të cilat fitohen nga HEC-et e vegjël të energjisë kështu që janë edhe shumë të tjerë që janë në proces të investimeve dhe pritet që për vitin 2016 të paktën të jenë diku te fuqi e instaluar diku te 30 mega që të vihen në punë”.
Sipas vendimit të qeverisë, Korporata Elektroneregjetike Shqiptare do t’ua blejë energjinë Hidrocentraleve private me një çmim prej 7.4 lekë për kilovat orë.
Një tarifë e konsideruar e pamjaftueshme prej këtyre bizneseve për t’u mbuluar kostot dhe për të shlyer kreditë e marra në banka.
Eduart Elezi:“Duke reduktuar tarifat e energjisë elektrike në masën 30% është goxha e ndjeshme për biznese të tilla. Gjithashtu dhe qeveria shqiptare nuk ka marrë parasysh ose ka miratuar plan bizneset e tyre por nuk ka marrë parasysh raportin me partnerët e tyre siç janë banka apo investitorë të huaj. Këto kanë krijuar vështirësi qoftë për nxitjen e investimeve të reja qoftë dhe për investimet aktuale të cilët në operimin e përditshëm kanë vështirësi goxha të mëdha në lidhje me trajtimin financiar të bizneseve të tyre”.
Përfaqësuesit e Shoqatës së Hidrocentraleve privatë deklarojnë se me një çmim të tillë do të mbahen larg investitorët që kanë interes për të investuar në fushën e energjive të rinovueshme.
Në të gjithë vendin sot janë në punë 125 Hidrocentrale privatë, të dhëna me koncesion disa vite më parë.
Oranews.tv
