Trupa gjyqësore që do të shqyrtojë padinë e LSI për KQZ për numëruesin e tretë do të përbëhet nga; Gjin Gjoni, Sotiraq Lubonja, Tomor Shkreli, Shkëlqim Mustafa dhe Lindita Sinanaj.
Ndërsa relator i çështjes nga goglat është përzgjedhur do të jetë gjyqtari Gjin Gjoni.
LSI kundërshtoi vendimin e KQZ, pasi pretendon se i takon kësaj force politike që ta ketë numëruesin e vetme në Grupet e Numërimit dhe jo ta ndajë me PDIU.
Numëruesi i fundit i papërcaktuar në grupet e numërimit të votave, sipas KQZ në tavolinat me numër çift anëtarësh do t’i përkasë LSI-së. Ndërsa PDIU, do ketë anëtar të saj në tavolinat me numër tek.
Ky vendim i KQZ-së shkaktoi pakënaqësi te përfaqësuesi ligjor i LSI-së, ndërsa nuk pati pretendime nga e PDIU-së.
Sipas LSI vendimi i KQZ është bërë në kundërshtim me Kodin Zgjedhor, pasi PDIU duhet të llogaritet si opozitë.
Hedhja e shortit u shty me rreth 1 orë e 30 minuta, pasi pasi tavolina dhe goglat ishin zhvendosur në Kryesinë e Kuvendit, pasi u përdorën dje për të zgjedhur anëtarët e Kolegjit të Apelimit të Vettingut.
Si ndahet anëtarët në grupet e numërimit
Nga e djathta, numëruesit do t’i përkasin PD-së e PR-së, ndërsa për të majtën, njëri numërues i përket PS-së, ndërsa numëruesi i dytë është ndarë mes PDIU dhe LSI.
Grupet numërimit:
PS – 1 numërues
PD – 1 numërues
PR – 1 numërues
LSI- 1 numërues në tavolinat me numër çift
PDIU- 1 numërues në tavolinat me numër tek
a.ç
