Trajneri i ri i Bayern Muenchenit, Jupp Heynckes, ka tingëlluar tepër optimist të hënën, duke thënë se do të jetë në gjendje të vërë gjërat në binar për kampionin gjerman pas fillimit jo të mirë të kampionatit që çoi në shkarkimin e Carlo Ancelottit.
Heynckes 72-vjeçar, që është për herë të katërt në klub, është zyrtarizuar në postin e trajnerit të premten.
Ai do të drejtojë Bayernin deri në fund të sezonit, shkruan Reuters. Bayerni zë vendin e dytë në Bundesligë, me pesë pikë disavantazh ndaj lideres Borussia Dortmund, pasi në dy ndeshje lëshoi avantazhin prej 2:0 duke barazuar 2:2.
Po ashtu skuadra bavareze zë vendin e dytë edhe në Grupin B të Ligës së Kampionëve me tri pikë pas dy ndeshjeve, pasi u mposht nga Paris Saint-Germaini në udhëtim me shifrat 3:0. Në të vërtetë pas asaj humbjeje erdhi shkarkimi i Ancelottit….(b.an)
