Komisioni hetimor për të verifikuar zbatimin e ligjit dhe mbrojtjen e interesit të shtetit shqiptar gjatë procedurave të privatizimit të Operatorit të Sistemit të Shpërndarjes kompanisë çeke, CEZ u mblodh të premten për të shqyrtuar listën e dëshmitarëve dhe dokumentet e paraqitura.
Në fillim të mbledhjes, kryetari i komisionit Taulant Balla, njoftoi listën e dëshmitarëve për të vijuar hetimin parlamentar. Pas leximit të emrave, anëtari demokrat Ridvan Bode kërkoi që të njihet me këtë listë dhe në mbledhjen e radhës, opozita të paraqes listën e saj të dëshmitarëve.
Pas kërkesës së z. Bode, komisioni vendosi miratimin në parim të listës së dëshmitarëve nga ana e mazhorancës, duke e lënë të hapur shtimin e listës në bazë të kërkesës së opozitës.
(javanews.al / r.a)
