Kandidatja demokrate për presidente e SHBA, Hillary Clinton, thyen heshtjen një ditë pasi FBI-ja njoftoi rihapjen e hetimit për përdorimin e një emaili privat ndërkohë që shërbente si Sekretare Shteti. Një nga levat ku po mbështeten kundërshtarët e saj në këtë fushatë.
Kandidatja demokrate për presidente të Shteteve të Bashkuara, Hillary Clinton, thotë se është e sigurt se hetimi i ri i FBI-së për emailet e saj, nuk do ta ndryshojë konkludimin e parë që ajo të mos akuzohet.
“Populli amerikan meriton t’i ketë menjëherë faktet e plota”, tha mbrëmë vonë Hillary Clitnon.
Ajo ka kërkuar nga FBI që “ta shpjegoje këtë çështje, pavarësisht se çfarë është, pa vonesë”.
Hetuesit federalë thanë se ata do të zhvillojnë hetime për emailat e rinj që janë paraqitur lidhur me përdorimin e serverit privat të emailit.
Ky njoftim i bërë nga drejtori i FBI-së, James Comey, në një letër dërguar Kongresit të Shteteve të Bashkuara, e ka shtuar paqartësinë në fushatën presidenciale amerikane, më pak se dy javë para ditë së zgjedhjeve.
Tashmë FBI ka zhvilluar hetime nëse përdorimi i serverit privat nga ana e zonjës Clinton, derisa ishte sekretare amerikane e shtetit, ka mundur të ketë pasoja në çështjen e informatave sekrete.
Në muajin korrik të këtij viti, Comey tha se hetuesit nuk kanë gjetur asgjë ilegale, por e ka kritikuar Clinton për vlerësim të gabuar. Në atë kohë Clinton pati kërkuar falje.
Panorama/d.i.
