Trupa policore shqiptaro-amerikane ka dhuruar një shumë parash për familjen Hoxha, e cila humbi djalin e saj vetëm pak javë më parë, nënkomisarin Saimir Hoxha që u vra në krye të detyrës. Mësohet se trupa ka zgjedhur të ndihmojë familjen Hoxha me një shumë parash prej 15 mijë dollarësh.
“Heroit tonë të rënë”, shkruhet në çekun që është tërhequr nga bashkëshortja e Saimirit.
Paratë janë dorëzuar në familjen e nënkomisarit të ndjerë, i cili la pas të shoqen dhe dy djem të mitur. Hoxha u vra nga 21-vjeçari Aldi Rama, teksa po zhvillonte një operacion antikanabis në Lezhë, paraditen e 28 shtatorit.
Disa orë më vonë, Aldi Rama, teksa ndodhej i rrethuar nga RENEA, qëlloi dhe veten e ndërroi jetë në spitalin e Traumës. Saimir Hoxha u shpall “Dëshmor i Atdheut”.
g.kosovari
