Vizita e kryeministrit të vendit Edi Rama në Hagë për të takuar ish-Presidentin e Kosovës Hashim Thaçi, i cili po mbahet në burg për akuzat e krimeve të luftës dhe krime kundër njerëzimit gjatë luftës së Kosovës, ka shënuar herën e parë që Rama ka hyrë në një burg.
Lidhur me ndjesitë dhe si e përjetoi një gjë të tillë, kryeministri Rama ka treguar për emisionin “Opinion” në Tv Klan se i është dukur si një spital, por natyrisht shton se nuk kishte asgjë që mund t’i bënte përshtypje pozitive.
Rama, ai ishte hera e parë që hyje në një burg?
Po, e para.
Si t’u duk?
Me thënë të drejtën, po të mos kesh parasysh gjithë ata dyer që hapen, aty ishte si një spital goxha i mirë si cilësi. Por ata dyert që hapen e mbyllen, ata muret rreth e rrotull, natyrisht që nuk ka asgjë për t’u impresionuar pozitivisht.
Por a do të rikthehet kryeministri Rama sërish që ta takojë ish-presidentin e Kosovës në Hagë?
Do të riktheheni që ta takoni sërish?
Unë shpresoj që ai parashikimi yt të mos realizohet, sepse nëse ai do të jetë për 10 vjet aty, atëherë unë do të planifikoj të shkoj dhe 10 herë në Hagë.
/a.r
