Elvis Rroshi qëndron ende në heshtje pas vendimit të Komisionit Qëndror të Zgjedhjeve që shpalli pavlefshmërinë e mandatit të tij në kuadër të ligjit të dekriminalizimit. Ndërkohë, disa orë pas këtij vendimi, ka ardhur reagimi i parë nga avokati i Rroshit, Theodhori Sollaku. Ai thotë se do ta ankimojnë në Gjykatën Kushtetuese çështjen.
“Pavarësisht vendimit të KQz do të ndjekim rrugën ligjore. Do ta dërgojmë çështjen në Gjykatën Kushtetuese”, tha Sollaku.
Më herët në qëndrimin e tij para anëtarëve të KQZ Sollaku deklaroi se kryebashkiaku mund të shkarkohet vetëm me firmën e kryeministrit./a.m.
