Hepatiti i shkaktuar nga virusi është bërë një shkaktar udhëheqës i vdekjeve dhe paaftësisë në botë, duke vrarë më shumë njerëz brenda një viti se AIDS, tuberkulozi apo malaria, sipas një raporti.
Vdekjet nga infektimi, sëmundja e mëlçisë dhe kanceri të shkaktuara nga virusi i hepatitit, janë rritur për 63 për qind nga 890 mijë në vitin 1990 në 1.45 milionë në vitin 2013, sipas një rishikimi të të dhënave të mbledhura në 183 vende të botës, transmeton Gazeta Express.
Nëse bëjmë krahasim, deri në vitin 2013, 1.3 milionë njerëz kanë vdekur nga AIDS, 1.4 milionë nga tuberkulozi dhe 855 mijë njerëz nga malaria, thotë raporti i publikuar në “Lancet medical journal”.
“Ndërsa numri i vdekjeve nga shumë sëmundje infektuese, siç është tuberkulozi dhe malaria, ka rënë që nga viti 1990, por nga virusi i hepatitit numri i vdekjeve është rritur,” kështu ka thënë udhëheqësi i studimit Graham Cooke nga departamenti i mjekësisë në Kolegjin Imperial të Londrës.
Hepatiti është pezmatim i mëlçisë, më së shumti i shkaktuar nga ndonjë virus, por nganjëherë edhe nga ilaçet apo abuzimi me alkool, infeksione të tjera apo sëmundje auto imune.
Ekzistojnë pesë lloje kryesore, të njohura si A, B, C, D dhe E. (java / r.a)
