Salma Hayek është njëra prej disa femrave që ka akuzuar Donald Trumpin për joshje, duke pohuar se biznesmeni e kërkoi derisa ajo kishte të dashur.
Ylli ka thënë se kandidati presidencial i republikanëve ishte nervozuar aq shumë me refuzimet e saj saqë kishte planifikuar një shkrim në një revistë, në të cilin pohonte se kurrë nuk do të ishte në lidhje me bukuroshen Hayek për shkak se ajo ishte shumë e shkurtë.
Këto akuza aktorja 50-vjeçare i bëri në radion spanjolle “El Show del Mandril”.
“Kur u njoftova me atë burrë, unë kisha të dashur, dhe ai tentoi që të bëhej shok me të dashurin tim për të marrë numrin e telefonit të shtëpisë sime”, ka thënë Hayek.
“Kur i thash se nuk do të dilja me të edhe nëse nuk do të kisha të dashur, ai përsëri telefonoi, por dikush i kishte thënë Natinal Enquirer… thuhej se ai nuk do të dilte me mua sepse unë isha e shkurtër”, citohet Koha. (b.an)
