Edmond Haxhinasto ka përsëritur sot arsyet e largimit nga posti i ministrit të Transporteve e Infrastrukturës.
“Nuk ka arsye tjetër të largimit tim, përveçse angazhimit në parti”, tha Haxhinasto.
Edmond Haxhinasto u dorëhoq nga posti ministror më 2 shtator, ndërsa LSI do të propozojë për këtë post, Sokol Dervishajn.
Deklarata e Haxhinastos u bë në pikën kufitare të Hanit të Hotit ku ministri i dorëhequr zhvilloi një takim me Eurokomisioneren për Transportin V. Bulc dhe ministrin e Malit të Zi, Brajovic.
Haxhinasto inspektoi infrastrukturën në pikën kufitare të Hanit të Hotit, ndërsa theksoi për mediat se janë vlerësuar nga të huajt, progresi që Shqipëria ka bërë në disa projekte. Ai vuri në dukje si një të tillë, hekurudhën Tiranë-Rinas-Durrës, projekt që ka marrë edhe mbështetje financiare nga BERZH.
Sipas Haxhinastos qëllimi i këtyre projekteve është të forcojë ekonomitë mes vendeve të rajonit dhe më pas në BE.
I pyetur në lidhje me dorëheqjen, Haxhinasto tha se “nuk ka asnjë arsye tjetër përveç atyre që lidhen me angazhimin tim në parti”.
bw/d.i.
