Haxhinasto: Çmimet e taksive, sipas taksimetrit
Ministri i Transporteve, Edmond Haxhinasto, prezantoi sot paketën e re të masave kundër informalitetit për transportin rrugor. Në paketë përfshihet edhe transporti ndërqytetës dhe taksitë.
“Është e domosdoshme që të respektojmë atë standard që ekziston në legjislacionin tonë përsa i përket shërbimit taksi, me qëllim që të gjithë të kenë normalitetin e tyre, të kenë rregullat e tyre, të mos mbivendosen tek njëri-tjetri dhe kështu gjithsecili të ketë mundësi të planifikojë rinovimin e foltave të tyre, të automjeteve të tyre, të ketë të ardhura të mjaftueshme dhe të paguajë detyrimet e shtetit. Operatorët e taksive ta dinë që synimi i këtij plani është që taksimetrat të vendosen në funksion dhe pagesat e qytetarëve të jenë mbi bazën e vlerave që do të japi taksimetri, pra nuk do të ketë vendosje të çmimeve aforfe, por në bazë të shërbimit që do t’i ofrohet qytetarëve”, deklaroi Haxhinasto.
Një pikë e paketës ishte edhe certifikimi i serviseve të automjeteve. Sipas Haxhinastos, nuk bëhet fjalë për regjistrim, por për certifikim të atyre që punojnë në servile, në mënyrë që shërbimi tek qytetarët të jetë sa më i sigurt.
“Me rëndësi është servisi i automjeteve, i cili ka nevojë për rregullime. Aktiviteti i këtyre operatorëve është me rëndësi për sigurinë e jetës së qytetarëve. Ata që punojnë në pikat e servist duhet të jenë të certifikuar, cilësia e shërbimit të jetë sa më e mirë dhe sigurt”, deklaroi ministri i Transporteve.
