Këshilli i Lartë i Drejtësisë, zhvilloi sot, mbledhjen plenare, e cila nisi me ceremoninë e betimit të 10 magjistratëve të dekretuar nga Presidenti i Republikës, Bujar Nishani, në detyrën e gjyqtarit, pas propozimit të bërë nga KLD.
Pas leximit të formulës së betimit, “Betohem solemnisht se gjatë kryerjes së detyrës do të respektoj Kushtetutën e Republikës së Shqipërisë, ligjet në fuqi dhe do të respektoj rregullat e etikës profesionale. Betohem”, në praninë e anëtarëve të KLD-së, gjyqtarët më të rinj të sistemit u betuan sipas procedurës ligjore. Fill pas betimit, Presidenti i Republikës, Bujar Nishani, inkurajoi gjyqtarët e rinj që të jenë shembull për sistemin e drejtësisë.
Betimi mbi Kushtetutë u bë nga gjyqtarët: Nurjeta Petrit Tafa, në Gjykatën e Rrethit Gjyqësor Durrës; Enkeleda Nazmi Kapedani, në Gjykatën e Rrethit Gjyqësor Elbasan; Ejona Guri Lazellari, në Gjykatën e Rrethit Gjyqësor Fier; Elsa Abaz Ulliri, në Gjykatën e Rrethit Gjyqësor Lezhë; Atalanta Pajtim Zeqiraj, në Gjykatën e Rrethit Gjyqësor Vlorë; Aurel Filat Arapi, në Gjykatën e Rrethit Gjyqësor Kurbin; Flojera Mikail Davidhi, në Gjykatën e Rrethit Gjyqësor Korçë; Genti Skënder Dokollari, në Gjykatën e Rrethit Gjyqësor Korçë; Sokol Dhimo Pina, në Gjykatën e Rrethit Gjyqësor Sarandë; Arben Sabri Dosti, në Gjykatën e Rrethit Gjyqësor Gjirokastër.
Në përputhje me rendin e ditës, Këshilli, shqyrtoi projekt-aktet përfundimtare të vlerësimit, të Kryeinspektorit të Inspektoratit të Këshillit të Lartë të Drejtësisë. Pasi shqyrtoi ankimet përkatëse, Këshilli miratoi aktet e Vlerësimit për gjyqtarët: Rilinda Selimi, Gjykata Administrative e Apelit; Skënder Damini, Gjykata e Apelit Vlorë; Maksim Qirjazi, Gjykata e Rrethit Gjyqësor Korçë; Bezart Kaçkini, Gjykata Administrative e Shkallës së Parë Tiranë;
Artan Lazaj, Gjykata e Rrethit Gjyqësor Tiranë; Gentian Medja, Gjykata Administrative e Shkallës së Parë Tiranë; Seladin Pysqyli, Rrethi Gjyqësor Korçë; Desart Avdulaj, Gjykata e Apelit Durrës; Ded Deda, Gjykata e Rrethit Gjyqësor Lezhë; Miljana Muça, Gjykata e Rrethit Gjyqësor Korçë; Iliba Bezati, Gjykata e Apelit Vlorë; Liradin Lila, Gjykata e Rrethit Gjyqësor Pogradec; Gentiana Muça, Gjykata Administrative e Shkallës së Parë Tiranë; Irena Brahimi, Gjykata e Apelit Gjirokastër; Miranda Andoni, Gjykata e Apelit Gjirokastër; Tomor Skreli, Gjykata e Apelit Gjirokastër; Vjola Canaj, Gjykata e Rrethit Gjyqësor Vlorë; Vjosa Zaimi Çela, Gjykata e Rrethit Gjyqësor Tiranë; Dritan Banushi, Gjykata e Apelit Gjirokastër; Petraq Dhimitri, Gjykata e Apelit Durrës; Neritan Cena, Gjykata e Rrethit Gjyqësor Tiranë;
Hektor Sinanaj, Gjykata e Rrethit Gjyqësor Vlorë; Astrit Shema, Gjykata Administrative e Shkallës së Parë Vlorë; Adriatik Bocaj, Gjykata e Rrethit Gjyqësor Tiranë; Etleva Temo, Gjykata e Apelit Korçë; Fjoralba Prifti, Gjykata e Apelit Shkodër; Julian Haxhiu, Gjykata e Rrethit Gjyqësor Tiranë; Marina Rraboshta, Gjykata e Apelit Shkodër; Ilir Përdeda, Gjykata e Rrethit Gjyqësor Lezhë; Hajrie Muçmata, Gjykata e Rrethit Gjyqësor Kukës për vitet 2005-2006 dhe 2007-2009; Vojsava Osmanaj, Gjykata e Rrethit Gjyqësor Korçë për vitet 2007-2009; Marsela Pepi, Gjykata e Rrethit Gjyqësor Gjirokastër për vitet 2007-2009; Qemal Zaimi, Gjykata e Rrethit Gjyqësor Librazhd/Inspektor në KLD 2005-2006; Arjan Qafa, Gjykata e Rrethit Gjyqësor Bulqizë dhe Dibër, respektivisht për vitet 2005-2006 dhe vitet 2007-2009; Nevrie Duka, Gjykata e Rrethit Gjyqësor Sarandë; Enkeleda Doda, Gjykata e Rrethit Gjyqësor Sarandë; Sotiraq Lubonja, Gjykata e Apelit Korçë.
Gjithashtu, anëtarët e Këshillit shqyrtuan dhe miratuan projekt-aktet e vlerësimit, në zbatim të vendimit të Këshillit të Lartë të Drejtësisë, “Për kriteret dhe procedurat e vlerësimit profesional dhe etik të kryeinspektorit dhe inspektorëve të këshillit të lartë të drejtësisë”, të veprimtarisë së 2 (dy) inspektorëve: Hajrie Muçmata, Inspektore pranë KLD-së për vitet 2013-2014 dhe Izet Salaj, Inspektor pranë KLD-së për vitet 2013-2014.
