Ish-shoqëruesi i Sali Berishës, Izet Haxhia ka ankimuar sot vendimin e Gjykatës që e dënon me 25 vite burg për vrasjen e Azem Hajdarit.
Pas rivendosjes në afat të dosjes “Hajdari”, ai ka kërkuar rishikim të vendimit ndërsa ankimimi u depozitua nga avokati Bashkim Nikolla.
Haxhia ka kërkuar ballafaqim me ish-kryeministrin Sali Berisha për dosjen “Hajdari”.
Po kështu ai kërkon edhe dëshminë e ish-kryeministrit Fatos Nano, si dhe tabultatet telefonike të personave që paraqesin interes.
Izet Haxhia është dënuar me 25 vite burg për vrasjen e Azem Hajdarit, por këtë akuzë ai nuk e ka pranuar kurrë.
/ma.me
