Presidenti i Kosovës, Hashim Thaçi deklaroi se marrëveshja për demarkacionin e kufirit me Malin e Zi duhet të ratifikohet brenda 10 ditësh. Në të kundërten, vendi do të humbas shumë.
Ndaj kësaj deklarate të Thaçit kanë reaguar subjektet opozitare, Vetëvendosje dhe NISMA.
Vetëvendosje përmes zëdhënësit, Frashër Krasniqi, e ka rikonfirmuar qëndrimin e saj kundërshtues ndaj kësaj marrëveshje.
Sipas Krasniqit, fakti që Kosova po i humbë 8000 hektarë nuk paraqet problem për Thaçin. Sipas tij, për Thaçin mjafton që ai me vëllezërit e tij të mund të vjedhin e pasurohen.
“Mirëpo qytetarët e Kosovës nuk kanë atdhe tjetër dhe Kosova nuk ka territor për të falur. Ne nuk do të lejojmë humbjen e mbi 8000 hektarëve dhe i bëjmë thirrje pushtetit që të mos e provokojë situatën duke e sjellë në votim këtë marrëveshje.
Insistimi i Hashim Thaçit flet se sa i shitur është ky person. Ne nuk do të lejojmë humbjen e mbi 8000 hektarëve dhe i bëjmë thirrje pushtetit që të mos e provokojë situatën duke e sjellë në votim këtë marrëveshje”, ka thënë ai për Gazetën Blic.
Në linjë të njëjtë me Vetëvendosjen sa i përket çështjes së demarkacoinit qëndrone edhe subjekti tjetër opozitar, NISMA, e cila është treguar e prerë në kundërshtimin e deklaratës së Thaçit.
Sipas zëdhënëist të NISMA-s, Bilal Sherfi, deklarata e Thaçit përbën ndërhyrje në kompetencat e legislativit. (b.an)
