Fatmir Limaj, kryetar i Nisma për Kosovën në emisionin ‘Rrokum Roll’ me Fidan Jupollin ka folur gjerë e gjatë për subjektin e tij, Nisma për Kosovën dhe konsolidimin e saj në prag të Kuvendit të saj të Përgjithshëm dhe aktualitetin politik sikur janë Demarkacioni, Asociacioni dhe shkuarja e vendit në zgjedhje.
Kreu i Nismës ka thënë se tashmë Nisma është orientuar kah socialdemokracia ku zemra e saj solidariteti dhe trajtimi i barabartë për krejt qytetarët e vendit.
Ai ka thënë se votat qe i ka Nisma në të gjithë Kosovën është votë e zemrës dhe vetëm një premtim e ka pasë dhe i cili ka qenë ‘Ne e mbajm fjalën’.
Sipas tij, Nisma ka mbajt kuvendet zgjedhore në krejt komunat e Kosovës, duke shtuar se po shkon drejt një Kuvendi të Përgjithshëm Zgjedhore ku vetëm prej diaspore janë 16 delegatë prej 69 delegatëve të Kuvendit të Përgjithshëm.
Limaj ka thënë se vendi pas shpalljes se pavarësisë ka marrë goditje në vend të rritjes, duke shtuar se jemi në një fazë të çoroditjes.
Ai ka thënë se vendi nuk ka qenë kurrë më keq se sa është sot.
Ai ka shtruar pyetjen se sa ka me zgjatë kjo, duke shtuar se ajo varet krejt prej qytetarëve, klasës politike, botës intelektuale.
Lideri i Nismës shtoi se kjo klasë klienteliste ia shpërlanë trurin pothuajse çdo ditë qytetareve të vendit, referon Express. (b.an)
