Kryeministri Ramush Haradinaj ka reaguar për arrestimin e sotëm të pesë shtetasve të Turqisë.
Haradinaj në mbledhjen e Qeverisë bëri të ditur se ka kërkuar informacione nga Policia e Kosovës lidhur me këto arrestime.
“Arsyeja e ndalimit është mënyra e qëndrimit e padefinuar. Arsyeja e ndalimit është mungesa e respektimit të procedurave për qëndrim në Kosovë. Do të interesohem më tutje për ketë temë”, tha Haradinaj, transmeton kp.
Të arrestuarit janë drejtori i institucioneve “Gulistan”, Mustafa Erdem, zëvendësi i tij, Yusuf Karabina, drejtori Kaahraman Demirez, Cihen Ozkan dhe Hasan H.Gunakan. (b.an)
