Ajrin më të ndotur në Evropë e ka pasur të premten mbrëma Prishtina, derisa edhe të shtunën është raportuar se cilësia e ajrit është e pashëndetshme.
Kryeministri Ramush Haradinaj ka thënë se janë marrë disa vendime për përmirësim të cilësisë së ajrit, por që kjo është punë që nuk përfundon për një ditë. Këto deklarata ai i ka bërë derisa ka marrë pjesë në pastrimin e një deponie ilegale në magjistralen Prishtinë-Pejë, në afërsi të fshatit Dollc.
Haradinaj tha se duhet vetëdijesim për ta mbajtur ambientin e Kosovës të pastër. Ndërkaq, Luan Hasanaj, nga Let’s do it Kosova, thotë se edhe pse janë në përfundim të kësaj fushate ende nuk është arritur efekti i duhur.
Sipas Hasanajt, disa grupime mbetjesh ilegale janë pastruar, por janë mbushur sërish me mbeturina. Ky aksion përfundon me 15 dhjetor të vitin 2018, përgatiti Koha. (B.an)
