Në seancën plenare që është e para për këtë sezon,, kreu i AAK-së, Ramush Haradinaj ka ngritur problemin. “Ata që kanë qenë në Shtabet lokale në zonën e Dukagjinit duhet të jenë pjesë e listave të veteranëve të UÇK-së. Unë jap nënshkrimin, unë jap përgjegjësi për listat e nënshkruara nga unë. Ata që unë kam thënë se janë veteranë ata janë veteranë”, ka thënë Haradinaj. “Por pse nuk po ndodh nuk po e di”, ka shtuar më tej ai. Haradinaj ka thënë se “po e sheh një frikë për të folur për disa tema”, duke aluduar në temën e raportimit nga ana e kryeministrit Mustafa për arritjen e Marrëveshjeve të Brukselit.
