Haradinaj falënderon qytetarët për pjesëmarrje në protestë

Kryetari i Aleancës për Ardhmërinë e Kosovës, Ramush Haradinaj përmes një postimi në Facebook ka falënderuar qytetarët për pjesëmarrje në protestën e sotme. “Shpreh falënderimin dhe mirënjohjen time të thellë për ata dhjetëra mijëra qytetarë që sot kanë protestuar në Prishtinë dhe kanë ngritur zërin e tyre kundër degradimit të mëtutjeshëm të shtetit të Kosovës”, ka shkruar Haradinaj.