Vijon të shtohet edhe më tepër tensioni mes Athinës zyrtare dhe Tiranës. Është sërish Ministri i Jashtëm grek Nikos Kotzias i cili ka shtuar dozën e kritikave në drejtim të Shqipërisë duke paralajmëruar për të disatën herë një veto të mundshme të shtetit fqinj ndaj vendit tonë, në lidhje me hapjen e negociatave dhe integrimin europian.
Madje këtë radhë Kotzias shkon edhe më tej ku thotë se qeveria greke nuk do të bëjë gabimet e së shkuarës, me dhënien e votës pro pa kushte për anëtarësimin e Shqipërisë në NATO si dhe marrjen e statusit kandidat.
Këtë herë sipas Kotzias, vota greke për hapjen e negociatave për vendin tonë, nuk do të jetë pozitive nëse Shqipëria nuk plotëson 5 prioritet, mbi të gjitha respektimin e të drejtave të minoriteteve.
Deklarata e Kotzias ka ardhur pas pyetjes që dy deputetët grekë Dora Bakojanis dhe Ioannis Kefalogiannis të cilët e pyesnin mbi raportin e progresit ndaj Shiqpërisë si dhe a është gati vendi unë për anëtarësim në BE.
“I siguroj deputetët se ndryshe nga aktivitetet e qeverive të mëparshme greke, ku Shqipëria u bashkua me NATO-n pa asnjë kusht, kjo nuk do të ndodh për statusin e anëtarësimit në BE, pa përmbushur të gjitha kushtet. Në këto 5 kushte përfshihen dhe mbrojtja e si dhe marrëdhënie e mira fqinjësore”, shkruan në përgjigjen e tij Kotzias, në letrën drejtuar dy deputetëve grekë.
Kjo nuk është hera e parë që Greqia paralajmëron veton ndaj Shqipërisë. Gjithçka nisi me tensionet e krijuara pak muaj më parë me prishjen e disa banesave në Himarë, që sipas shtetit fqinj, ishin selektive me qëllim goditjen e minoritetit grek.
Tema/d.i.
